جو منصبوں کے پجاری پہن کے آتے ہیں

جو منصبوں کے پجاری پہن کے آتے ہیں

کلاہ طوق سے بھاری پہن کے آتے ہیں

امیر شہر تری طرح قیمتی پوشاک

مری گلی میں بھکاری پہن کے آتے ہیں

یہی عقیق تھے شاہوں کے تاج کی زینت

جو انگلیوں میں مداری پہن کے آتے ہیں

ہمارے جسم کے داغوں پہ تبصرہ کرنے

قمیصیں لوگ ہماری پہن کے آتے ہیں

عبادتوں کا تحفظ بھی ان کے ذمے ہے

جو مسجدوں میں سفاری پہن کے آتے ہیں

jo mansabon ke pujari pahan ke ate hain

kulah tauq se bhari pahan ke ate hain

amir-e-shahr tiri tarah qimti poshak

miri gali mein bhikari pahan ke ate hain

yahi aqiq the shahon ke taj ki zinat

jo ungliyon mein madari pahan ke ate hain

hamare jism ke daghon pe tabsira karne

qamisen log hamari pahan ke ate hain

ibadaton ka tahaffuz bhi un ke zimme hai

jo masjidon mein sifari pahan ke ate hain