نئے سفر کا جو اعلان بھی نہیں ہوتا

نئے سفر کا جو اعلان بھی نہیں ہوتا

تو زندہ رہنے کا ارمان بھی نہیں ہوتا

تمام پھول وہی لوگ توڑ لیتے ہیں

وہ جن کے کمروں میں گلدان بھی نہیں ہوتا

خموشی اوڑھ کے سوئی ہیں مسجدیں ساری

کسی کی موت کا اعلان بھی نہیں ہوتا

وبا نے کاش ہمیں بھی بلا لیا ہوتا

تو ہم پہ موت کا احسان بھی نہیں ہوتا

nae safar ka jo elan bhi nahin hota

tu zinda rahne ka arman bhi nahin hota

tamam phul wahi log tor lete hain

wo jin ke kamron mein guldan bhi nahin hota

khamoshi orh ke soi hain masjiden sari

kisi ki maut ka elan bhi nahin hota

waba ne kash hamen bhi bala liya hota

to ham pe maut ka ehsan bhi nahin hota