کیا ہوئے آشفتہ کاراں کیا ہوئے

کیا ہوئے آشفتہ کاراں کیا ہوئے

یاد یاراں یار یاراں کیا ہوئے

اب تو اپنوں میں سے کوئی بھی نہیں

وہ پریشاں روزگاراں کیا ہوئے

سو رہا ہے شام ہی سے شہر دل

شہر کے شب زندہ داراں کیا ہوئے

اس کی چشم نیم وا سے پوچھیو

وہ ترے مژگاں شماراں کیا ہوئے

اے بہار انتظار فصل گل

وہ گریباں تار تاراں کیا ہوئے

کیا ہوئے صورت نگاراں خواب کے

خواب کے صورت نگاراں کیا ہوئے

یاد اس کی ہو گئی ہے بے اماں

یاد کے بے یادگاراں کیا ہوئے

kya hue ashufta karan kya hue

yad yaran yar yaran kya hue

ab to apnon mein se koi bhi nahin

wo pareshan rozgaran kya hue

so raha hai sham hi se shahr-e-dil

shahr ke shab zinda daran kya hue

us ki chashm-e-nim wa se puchhiyo

wo tire mizhgan shumaran kya hue

ai bahar-e-intizar-e-fasl-e-gul

wo gareban tar taran kya hue

kya hue surat nigaran khwab ke

khwab ke surat nigaran kya hue

yad us ki ho gai hai be aman

yad ke be yadgaran kya hue