ذکر گل ہو خار کی باتیں کریں

ذکر گل ہو خار کی باتیں کریں

لذت و آزار کی باتیں کریں

ہے مشام شوق محروم شمیم

زلف عنبر بار کی باتیں کریں

دور تک خالی ہے صحرائے نظر

آہوئے تاتار کی باتیں کریں

آج کچھ ناساز ہے طبع خرد

نرگس بیمار کی باتیں کریں

یوسف کنعاں کا ہو کچھ تذکرہ

مصر کے بازار کی باتیں کریں

آؤ اے خفتہ نصیبو مفلسو

دولت بیدار کی باتیں کریں

جونؔ آؤ کارواں در کارواں

منزل دشوار کی باتیں کریں

zikr-e-gul ho khar ki baten karen

lazzat-o-azar ki baten karen

hai masham-e-shauq mahrum-e-shamim

zulf-e-ambar bar ki baten karen

dur tak khali hai sahra-e-nazar

ahu-e-tatar ki baten karen

aj kuchh nasaz hai tab-e-khirad

nargis-e-bimar ki baten karen

yusuf-e-kanan ka ho kuchh tazkira

misr ke bazar ki baten karen

ao ai khufta nasibo mufliso

daulat-e-bedar ki baten karen

jon ao karwan dar karwan

manzil-e-dushwar ki baten karen