یہ جو سنا اک دن وہ حویلی یکسر بے آثار گری

یہ جو سنا اک دن وہ حویلی یکسر بے آثار گری

ہم جب بھی سائے میں بیٹھے دل پر اک دیوار گری

جوں ہی مڑ کر دیکھا میں نے بیچ اٹھی تھی اک دیوار

بس یوں سمجھو میرے اوپر بجلی سی اک بار گری

دھار پہ باڑ رکھی جائے اور ہم اس کے گھائل ٹھہریں

میں نے دیکھا اور نظروں سے ان پلکوں کی دھار گری

گرنے والی ان تعمیروں میں بھی ایک سلیقہ تھا

تم اینٹوں کی پوچھ رہے ہو مٹی تک ہموار گری

بے داری کے بستر پر میں ان کے خواب سجاتا ہوں

نیند بھی جن کی ٹاٹ کے اوپر خوابوں سے نادار گری

خوب ہی تھی وہ قوم شہیداں یعنی سب بے زخم و خراش

میں بھی اس صف میں تھا شامل وہ صف جو بے وار گری

ہر لمحہ گھمسان کا رن ہے کون اپنے اوسان میں ہے

کون ہے یہ؟ اچھا تو میں ہوں لاش تو ہاں اک یار گری

ye jo suna ik din wo haweli yaksar be asar giri

ham jab bhi sae mein baithe dil par ik diwar giri

jun hi mur kar dekha main ne bich uthi thi ik diwar

bas yun samjho mere upar bijli si ik bar giri

dhar pe bar rakhi jae aur ham us ke ghayal thahren

main ne dekha aur nazron se in palkon ki dhar giri

girne wali in taamiron mein bhi ek saliqa tha

tum inton ki puchh rahe ho mitti tak hamwar giri

be dari ke bistar par main un ke khwab sajata hun

nind bhi jin ki tat ke upar khwabon se nadar giri

khub hi thi wo qaum shahidan yaani sab be zakhm-o-kharash

main bhi is saf mein tha shamil wo saf jo be war giri

har lamha ghumsan ka ran hai kaun apne ausan mein hai

kaun hai ye? achchha to main hun lash to han ik yar giri