ترے غرور کا حلیہ بگاڑ ڈالوں گا

ترے غرور کا حلیہ بگاڑ ڈالوں گا

میں آج تیرا گریبان پھاڑ ڈالوں گا

طرح طرح کے شگوفے جو چھوڑتا ہے تو

میں دل کا باغ نمو ہی اجاڑ ڈالوں گا

کہاں کا سیل اجل تا کنار گاہ عبد

میں ہوں عدم میں سبھی کو لتاڑ ڈالوں گا

بہت ادا سے تو گزرا ہے چشمہ ساروں سے

یہ سن کہ راہ میں تیری میں باڑ ڈالوں گا

شگفتگی کی تری یاد جو دلاتے ہیں

میں ایسے سارے ہی پودھے اکھاڑ ڈالوں گا

یہ طے کیا ہے کہ دریا موج مستی کو

سراب دشت تپیدا میں گاڑ ڈالوں گا

تمام نقش تمنا فریب تھے سو تھے

میں سارے نقش تمنا بگاڑ ڈالوں گا

جو رشتہ ہے دل جاں کا ہے سر بہ سر جھوٹا

سو میں تو اب دل و جاں میں دراڑ ڈالوں گا

جھنڈولے بالوں کی پر فتنہ اس سے کہہ دینا

میں اس کمین کو زندہ ہی گاڑ ڈالوں گا

مجھے تو اب اسے دنگل میں گندہ کرنا ہے

سو میں اسے برے حالوں پچھاڑ ڈالوں گا

tire ghurur ka hulya bigar dalunga

main aj tera gareban phar dalunga

tarah tarah ke shagufe jo chhorta hai tu

main dil ka bagh numu hi ujar dalunga

kahan ka sail ajal ta kanar gah-e-abd

main hun adam mein sabhi ko latar dalunga

bahut ada se to guzra hai chashma saron se

ye sun ke rah mein teri mein bar dalunga

shaguftagi ki tiri yad jo dilate hain

main aise sare hi paudhe ukhar dalunga

ye tai kya hai ke dariya-e-mauj masti ko

sarab-e-dasht-e-tapida mein gar dalunga

tamam naqsh-e-tamanna fareb the so the

main sare naqsh-e-tamanna bigar dalunga

jo rishta hai dil jan ka hai sar ba sar jhuta

so main to ab dil-o-jan mein darar dalunga

jhandule balon ki par fitna us se kah dena

main is kamin ko zinda hi gar dalunga

mujhe to ab use dangal mein gunda karna hai

so main use bure halon pichhar dalunga