کیا کہیں تم سے بود و باش اپنی

کیا کہیں تم سے بود و باش اپنی

کام ہی کیا وہی تلاش اپنی

کوئی دم ایسی زندگی بھی کریں

اپنا سینہ ہو اور خراش اپنی

اپنے ہی تیشۂ ندامت سے

ذات ہے اب تو پاش پاش اپنی

ہے لبوں پر نفس زنی کی دکاں

یاوہ گوئی ہے بس معاش اپنی

تیری صورت پہ ہوں نثار پہ اب

اور صورت کوئی تراش اپنی

جسم و جاں کو تو بیچ ہی ڈالا

اب مجھے بیچنی ہے لاش اپنی

kya kahen tum se bud-o-bash apni

kam hi kya wahi talash apni

koi dam aisi zindagi bhi karen

apna sina ho aur kharash apni

apne hi tesha-e-nadamat se

zat hai ab to pash pash apni

hai labon par nafas zani ki dukan

yawa goi hai bas maash apni

teri surat pe hun nisar pe ab

aur surat koi tarash apni

jism-o-jan ko to bich hi dala

ab mujhe bechni hai lash apni