دل سے ہے بہت گریز پا تو

دل سے ہے بہت گریز پا تو

تو کون ہے اور ہے بھی کیا تو

کیوں مجھ میں گنوا رہا ہے خود کو

مجھ ایسے یہاں ہزار ہا تو

ہے تیری جدائی اور میں ہوں

ملتے ہی کہیں بچھڑ گیا تو

پوچھے جو تجھے کوئی ذرا بھی

جب میں نہ رہوں تو دیکھنا تو

اک سانس ہی بس لیا ہے میں نے

تو سانس نہ تھا سو کیا ہوا تو

ہے کون جو تیرا دھیان رکھے

باہر مرے بس کہیں نہ جا تو

dil se hai bahut gurez pa to

tu kaun hai aur hai bhi kiya to

kyun mujh mein ganwa raha hai khud ko

mujh aise yahan hazar ha to

hai teri judai aur main hun

milte hi kahin bichhar gaya to

puchhe jo tujhe koi zara bhi

jab main na rahun to dekhna to

ik sans hi bas liya hai main ne

tu sans na tha so kya hua to

hai kaun jo tera dhyan rakhe

bahar mire bas kahin na ja to