اک زخم بھی یاران بسمل نہیں آنے کا

اک زخم بھی یاران بسمل نہیں آنے کا

مقتل میں پڑے رہیے قاتل نہیں آنے کا

اب کوچ کرو یارو صحرا سے کہ سنتے ہیں

صحرا میں اب آئندہ محمل نہیں آنے کا

واعظ کو خرابے میں اک دعوت حق دی تھی

میں جان رہا تھا وہ جاہل نہیں آنے کا

بنیاد جہاں پہلے جو تھی وہی اب بھی ہے

یوں حشر تو یاران یک دل نہیں آنے کا

بت ہے کہ خدا ہے وہ مانا ہے نہ مانوں گا

اس شوخ سے جب تک میں خود مل نہیں آنے کا

گر دل کی یہ محفل ہے خرچہ بھی ہو پھر دل کا

باہر سے تو سامان محفل نہیں آنے کا

وہ ناف پیالے سے سرمست کرے ورنہ

ہو کے میں کبھی اس کا قائل نہیں آنے کا

ik zakhm bhi yaran-e-bismil nahin ane ka

maqtal mein pare rahiye qatil nahin ane ka

ab kuch karo yaro sahra se ke sunte hain

sahra mein ab ainda mahmil nahin ane ka

waiz ko kharabe mein ik daawat haq di thi

main jan raha tha wo jahil nahin ane ka

buniyad jahan pahle jo thi wahi ab bhi hai

yun hashr to yaran-e-yak dil nahin ane ka

but hai ke khuda hai wo mana hai na manunga

us shokh se jab tak main khud mil nahin ane ka

gar dil ki ye mahfil hai kharcha bhi ho phir dil ka

bahar se to saman-e-mahfil nahin ane ka

wo naf pyale se sarmast kare warna

ho ke main kabhi us ka qail nahin ane ka