سب چلے جاؤ مجھ میں تاب نہیں

سب چلے جاؤ مجھ میں تاب نہیں

نام کو بھی اب اضطراب نہیں

خون کر دوں ترے شباب کا میں

مجھ سا قاتل ترا شباب نہیں

اک کتاب وجود ہے تو سہی

شاید اس میں دعا کا باب نہیں

تو جو پڑھتا ہے بوعلی کی کتاب

کیا یہ عالم کوئی کتاب نہیں

اپنی منزل نہیں کوئی فریاد

رخش بھی اپنا بد رکاب نہیں

ہم کتابی سدا کے ہیں لیکن

حسب منشا کوئی کتاب نہیں

بھول جانا نہیں گناہ اسے

یاد کرنا اسے ثواب نہیں

پڑھ لیا اس کی یاد کا نسخہ

اس میں شہرت کا کوئی باب نہیں

sab chale jao mujh mein tab nahin

nam ko bhi ab iztirab nahin

khun kar dun tire shabab ka main

mujh sa qatil tira shabab nahin

ik kitab-e-wajud hai to sahi

shayad is mein dua ka bab nahin

tu jo parhta hai buali ki kitab

kya ye alam koi kitab nahin

apni manzil nahin koi fariyad

rakhsh bhi apna bad rikab nahin

ham kitabi sada ke hain lekin

hasb mansha koi kitab nahin

bhul jana nahin gunah use

yad karna use sawab nahin

parh liya us ki yad ka nuskha

is mein shohrat ka koi bab nahin