وہ خیال محال کس کا تھا

وہ خیال محال کس کا تھا

آئنہ بے مثال کس کا تھا

سفری اپنے آپ سے تھا میں

ہجر کس کا وصال کس کا تھا

میں تو خود میں کہیں نہ تھا موجود

میرے لب پر سوال کس کا تھا

تھی مری ذات اک خیال آشوب

جانے میں ہم خیال کس کا تھا

جب کہ میں ہر نفس تھا بے احوال

وہ جو تھا میرا حال کس کا تھا

دوپہر باد تند کوچۂ یار

وہ غبار ملال کس کا تھا

wo khayal-e-muhal kis ka tha

aina be misal kis ka tha

safari apne ap se tha main

hijr kis ka wisal kis ka tha

main to khud mein kahin na tha maujud

mere lab par sawal kis ka tha

thi miri zat ik khayal-e-ashob

jane mein ham khayal kis ka tha

jab ke main har nafas tha be ahwal

wo jo tha mera hal kis ka tha

dopahar bad-e-tund kucha-e-yar

wo ghubar-e-malal kis ka tha