لازم ہے اپنے آپ کی امداد کچھ کروں

لازم ہے اپنے آپ کی امداد کچھ کروں

سینے میں وہ خلا ہے کہ ایجاد کچھ کروں

ہر لمحہ اپنے آپ میں پاتا ہوں کچھ کمی

ہر لمحہ اپنے آپ میں ایزاد کچھ کروں

روکار سے تو اپنی میں لگتا ہوں پائیدار

بنیاد رہ گئی پئے بنیاد کچھ کروں

طاری ہوا ہے لمحۂ موجود اس طرح

کچھ بھی نہ یاد آئے اگر یاد کچھ کروں

موسم کا مجھ سے کوئی تقاضا ہے دم بہ دم

بے سلسلہ نہیں نفس باد کچھ کروں

lazim hai apne ap ki imdad kuchh karun

sine mein wo khala hai ke ijad kuchh karun

har lamha apne ap mein pata hun kuchh kami

har lamha apne ap mein izad kuchh karun

rokar se to apni mein lagta hun paidar

buniyad rah gai piye buniyad kuchh karun

tari hua hai lamha-e-maujud is tarah

kuchh bhi na yad ae agar yad kuchh karun

mausam ka mujh se koi taqaza hai dam ba dam

be silsila nahin nafas-e-bad kuchh karun