نہ پوچھ اس کی جو اپنے اندر چھپا

نہ پوچھ اس کی جو اپنے اندر چھپا

غنیمت کہ میں اپنے باہر چھپا

مجھے یاں کسی پہ بھروسا نہیں

میں اپنی نگاہوں سے چھپ کر چھپا

پہنچ مخبروں کی سخن تک کہاں

سو میں اپنے ہونٹوں پہ اکثر چھپا

مری سن نہ رکھ اپنے پہلو میں دل

اسے تو کسی اور کے گھر چھپا

یہاں تیرے اندر نہیں میری خیر

مری جاں مجھے میرے اندر چھپا

خیالوں کی آمد میں یہ خارزار

ہے تیروں کی یلغار تو سر چھپا

na puchh us ki jo apne andar chhupa

ghanimat ke main apne bahar chhupa

mujhe yan kisi pe bharosa nahin

main apni nigahon se chhup kar chhupa

pahunch mukhbiron ki sukhan tak kahan

so main apne honton pe aksar chhupa

miri sun na rakh apne pahlu mein dil

use to kisi aur ke ghar chhupa

yahan tere andar nahin meri khair

miri jan mujhe mere andar chhupa

khayalon ki amad mein ye kharzar

hai tiron ki yalghar to sar chhupa