تشنگی نے سراب ہی لکھا

تشنگی نے سراب ہی لکھا

خواب دیکھا تھا خواب ہی لکھا

ہم نے لکھا نصاب تیرہ شبی

اور بہ صد آب و تاب ہی لکھا

منشیان شہود نے تا حال

ذکر غیب و حجاب ہی لکھا

نہ رکھا ہم نے بیش و کم کا خیال

شوق کو بے حساب ہی لکھا

دوستو ہم نے اپنا حال اسے

جب بھی لکھا خراب ہی لکھا

نہ لکھا اس نے کوئی بھی مکتوب

پھر بھی ہم نے جواب ہی لکھا

ہم نے اس شہر دین و دولت میں

مسخروں کو جناب ہی لکھا

tishnagi ne sarab hi likha

khwab dekha tha khwab hi likha

ham ne likha nisab tira shabi

aur ba sad ab-o-tab hi likha

munshshaiin shuhud ne ta hal

zikr ghaib-o-hijab hi likha

na rakha ham ne besh-o-kam ka khayal

shauq ko be hisab hi likha

dosto ham ne apna hal use

jab bhi likha kharab hi likha

na likha us ne koi bhi maktub

phir bhi ham ne jawab hi likha

ham ne is shahr din-o-daulat mein

maskharon ko janab hi likha