بھٹکتا پھر رہا ہوں جستجو بن

بھٹکتا پھر رہا ہوں جستجو بن

سراپا آرزو ہوں آرزو بن

کوئی اس شہر کو تاراج کر دے

ہوئی ہے میری وحشت ہا و ہو بن

یہ سب معجز نمائی کی ہوس ہے

رفوگر آئے ہیں تار رفو بن

معاش بے دلاں پوچھو نہ یارو

نمو پاتے رہے رزق نمو بن

گزار اے شوق اب خلوت کی راتیں

گزارش بن گلہ بن گفتگو بن

bhatakta phir raha hun justuju ban

sarapa arzu hun arzu ban

koi is shahr ko taraj kar de

hui hai meri wahshat ha-o-ho ban

ye sab mojiz numai ki hawas hai

rafugar ae hain tar-e-rafu ban

maash-e-be dalan puchho na yaro

numu pate rahe rizq-e-numu ban

guzar ai shauq ab khalwat ki raten

guzarish ban gila ban guftugu ban