شوق کا بار اتار آیا ہوں

شوق کا بار اتار آیا ہوں

آج میں اس کو ہار آیا ہوں

اف مرا آج میکدے آنا

یوں تو میں کتنی بار آیا ہوں

دوستو دوست کو سنبھالا دو

دور سے پا فگار آیا ہوں

صف آخر سے لڑ رہا تھا میں

اور یہاں لاش وار آیا ہوں

وہی دشت عذاب مایوسی

وہیں انجام کار آیا ہوں

کوئی دم بھی میں کب اندر رہا ہوں

لیے ہیں سانس اور باہر رہا ہوں

دھوئیں میں سانس ہیں سانسوں میں پل ہیں

میں روشندان تک بس مر رہا ہوں

فنا ہر دم مجھے گنتی رہی ہے

میں اک دم کا تھا اور دن بھر رہا ہوں

ذرا اک سانس روکا تو لگا یوں

کہ اتنی دیر اپنے گھر رہا ہوں

بجز اپنے میسر ہے مجھے کیا

سو خود سے اپنی جیبیں بھر رہا ہوں

ہمیشہ زخم پہنچے ہیں مجھی کو

ہمیشہ میں پس لشکر رہا ہوں

لٹا دے نیند کے بستر پہ اے رات

میں دن بھر اپنی پلکوں پر رہا ہوں

shauq ka bar utar aya hun

aj main us ko har aya hun

uf mira aj maikade ana

yun to main kitni bar aya hun

dosto dost ko sambhala do

dur se pa figar aya hun

saf akhir se lar raha tha main

aur yahan lash war aya hun

wahi dasht azab-e-mayusi

wahin anjam kar aya hun

koi dam bhi main kab andar raha hun

liye hain sans aur bahar raha hun

dhuen mein sans hain sanson mein pal hain

main raushandan tak bas mar raha hun

fana har dam mujhe ginti rahi hai

main ik dam ka tha aur din bhar raha hun

zara ik sans roka to laga yun

ke itni der apne ghar raha hun

bajuz apne muyassar hai mujhe kya

so khud se apni jeben bhar raha hun

hamesha zakhm pahunche hain mujhi ko

hamesha mein pas lashkar raha hun

luta de nind ke bistar pe ai rat

main din bhar apni palkon par raha hun