سلسلہ جنباں اک تنہا سے روح کسی تنہا کی تھی

سلسلہ جنباں اک تنہا سے روح کسی تنہا کی تھی

ایک آواز ابھی آئی تھی وہ آواز ہوا کی تھی

بے دنیائی نے اس دل کی اور بھی دنیا دار کیا

دل پر ایسی ٹوٹی دنیا ترک ذرا دنیا کی تھی

اپنے اندر ہنستا ہوں میں اور بہت شرماتا ہوں

خون بھی تھوکا سچ مچ تھوکا اور یہ سب چالاکی تھی

اپنے آپ سے جب میں گیا ہوں تب کی روایت سنتا ہوں

آ کر کتنے دن تک اس کی یاد مجھے پوچھا کی تھی

ہوں سودائی سودائی سا جب سے میں نے جانا ہے

طے وہ راہ سر سودائی میں نے بے سودا کی تھی

گرد تھی بیگانہ گردی کی جو تھی نگہ میری تاہم

جب بھی کوئی صورت بچھڑی آنکھوں میں نم ناکی تھی

ہے یہ قصہ کتنا اچھا پر میں اچھا سمجھوں تو

ایک تھا کوئی جس نے یک دم یہ دنیا پیدا کی تھی

silsila jumban ik tanha se ruh kisi tanha ki thi

ek awaz abhi ai thi wo awaz hawa ki thi

be duniyai ne is dil ki aur bhi duniya dar kiya

dil par aisi tuti duniya tark zara duniya ki thi

apne andar hansta hun main aur bahut sharmata hun

khun bhi thuka sach much thuka aur ye sab chalaki thi

apne ap se jab main gaya hun tab ki riwayat sunta hun

a kar kitne din tak us ki yad mujhe puchha ki thi

hun saudai saudai sa jab se main ne jana hai

tai wo rah sar saudai main ne be sauda ki thi

gard thi begana gardi ki jo thi nigah meri taham

jab bhi koi surat bichhri ankhon mein nam naki thi

hai ye qissa kitna achchha par main achchha samjhun to

ek tha koi jis ne yak dam ye duniya paida ki thi