دل نے کیا ہے قصد سفر گھر سمیٹ لو
Jaun Elia (1931–2002)دل نے کیا ہے قصد سفر گھر سمیٹ لو
جانا ہے اس دیار سے منظر سمیٹ لو
آزادگی میں شرط بھی ہے احتیاط کی
پرواز کا ہے اذن مگر پر سمیٹ لو
حملہ ہے چار سو در و دیوار شہر کا
سب جنگلوں کو شہر کے اندر سمیٹ لو
بکھرا ہوا ہوں صرصر شام فراق سے
اب آ بھی جاؤ اور مجھے آ کر سمیٹ لو
رکھتا نہیں ہے کوئی نگفتہ کا یاں حساب
جو کچھ ہے دل میں اس کو لبوں پر سمیٹ لو
dil ne kiya hai qasd-e-safar ghar samet lo
jana hai is dayar se manzar samet lo
azadagi mein shart bhi hai ehtiyat ki
parwaz ka hai izn magar par samet lo
hamla hai char su dar-o-diwar shahr ka
sab jangalon ko shahr ke andar samet lo
bikhra hua hun sarsar-e-sham-e-firaq se
ab a bhi jao aur mujhe a kar samet lo
rakhta nahin hai koi nagufta ka yan hisab
jo kuchh hai dil mein us ko labon par samet lo