سر صحرا حباب بیچے ہیں

سر صحرا حباب بیچے ہیں

لب دریا سراب بیچے ہیں

اور تو کیا تھا بیچنے کے لئے

اپنی آنکھوں کے خواب بیچے ہیں

خود سوال ان لبوں سے کر کے میاں

خود ہی ان کے جواب بیچے ہیں

زلف کوچوں میں شانہ کش نے ترے

کتنے ہی پیچ و تاب بیچے ہیں

شہر میں ہم خراب حالوں نے

حال اپنے خراب بیچے ہیں

جان من تیری بے نقابی نے

آج کتنے نقاب بیچے ہیں

میری فریاد نے سکوت کے ساتھ

اپنے لب کے عذاب بیچے ہیں

sar-e-sahra habab beche hain

lab-e-dariya sarab beche hain

aur to kya tha bechne ke liye

apni ankhon ke khwab beche hain

khud sawal un labon se kar ke miyan

khud hi un ke jawab beche hain

zulf kuchon mein shana kash ne tire

kitne hi pech-o-tab beche hain

shahr mein ham kharab halon ne

hal apne kharab beche hain

jan-e-man teri be naqabi ne

aj kitne naqab beche hain

meri fariyad ne sukut ke sath

apne lab ke azab beche hain