کون سے شوق کس ہوس کا نہیں

کون سے شوق کس ہوس کا نہیں

دل مری جان تیرے بس کا نہیں

راہ تم کارواں کی لو کہ مجھے

شوق کچھ نغمۂ جرس کا نہیں

ہاں مرا وہ معاملہ ہے کہ اب

کام یاران نکتہ رس کا نہیں

ہم کہاں سے چلے ہیں اور کہاں

کوئی اندازہ پیش و پس کا نہیں

ہو گئی اس گلے میں عمر تمام

پاس شعلے کو خار و خس کا نہیں

مجھ کو خود سے جدا نہ ہونے دو

بات یہ ہے میں اپنے بس کا نہیں

کیا لڑائی بھلا کہ ہم میں سے

کوئی بھی سینکڑوں برس کا نہیں

kaun se shauq kis hawas ka nahin

dil miri jan tere bas ka nahin

rah tum karwan ki lau ke mujhe

shauq kuchh naghma-e-jaras ka nahin

han mira wo muamla hai ke ab

kam yaran-e-nukta ras ka nahin

ham kahan se chale hain aur kahan

koi andaza pesh-o-pas ka nahin

ho gai is gale mein umr tamam

pas shole ko khar-o-khas ka nahin

mujh ko khud se juda na hone do

bat ye hai main apne bas ka nahin

kya larai bhala ke ham mein se

koi bhi sainkron baras ka nahin