اس نے ہم کو گمان میں رکھا
Jaun Elia (1931–2002)اس نے ہم کو گمان میں رکھا
اور پھر کم ہی دھیان میں رکھا
کیا قیامت نمو تھی وہ جس نے
حشر اس کی اٹھان میں رکھا
جوشش خوں نے اپنے فن کا حساب
ایک چپ اک چٹان میں رکھا
لمحے لمحے کی اپنی تھی اک شان
تو نے ہی ایک شان میں رکھا
ہم نے پیہم قبول و رد کر کے
اس کو ایک امتحان میں رکھا
تم تو اس یاد کی امان میں ہو
اس کو کس کی امان میں رکھا
اپنا رشتہ زمیں سے ہی رکھو
کچھ نہیں آسمان میں رکھا
us ne ham ko guman mein rakha
aur phir kam hi dhyan mein rakha
kya qayamat numu thi wo jis ne
hashr us ki uthan mein rakha
joshish-e-khun ne apne fan ka hisab
ek chup ik chatan mein rakha
lamhe lamhe ki apni thi ik shan
tu ne hi ek shan mein rakha
ham ne paiham qubul-o-rad kar ke
us ko ek imtihan mein rakha
tum to is yad ki aman mein ho
us ko kis ki aman mein rakha
apna rishta zamin se hi rakho
kuchh nahin asman mein rakha