دل کو دنیا کا ہے سفر درپیش

دل کو دنیا کا ہے سفر درپیش

اور چاروں طرف ہے گھر درپیش

ہے یہ عالم عجیب اور یہاں

ماجرا ہے عجیب تر درپیش

دو جہاں سے گزر گیا پھر بھی

میں رہا خود کو عمر بھر درپیش

اب میں کوئے عبث شتاب چلوں

کئی اک کام ہیں ادھر درپیش

اس کے دیدار کی امید کہاں

جب کہ ہے دید کو نظر درپیش

اب مری جان بچ گئی یعنی

ایک قاتل کی ہے سپر درپیش

کس طرح کوچ پر کمر باندھوں

ایک رہزن کی ہے کمر درپیش

خلوت ناز اور آئینہ

خود نگر کو ہے خود نگر درپیش

dil ko duniya ka hai safar darpesh

aur charon taraf hai ghar darpesh

hai ye alam ajib aur yahan

majra hai ajib tar darpesh

do jahan se guzar gaya phir bhi

main raha khud ko umr bhar darpesh

ab main ku-e-abas shitab chalun

kai ik kam hain idhar darpesh

us ke didar ki umid kahan

jab ke hai did ko nazar darpesh

ab miri jan bach gai yaani

ek qatil ki hai sipar darpesh

kis tarah kuch par kamar bandhun

ek rahzan ki hai kamar darpesh

khalwat-e-naz aur aina

khud nagar ko hai khud nagar darpesh