مسند غم پہ جچ رہا ہوں میں

مسند غم پہ جچ رہا ہوں میں

اپنا سینہ کھرچ رہا ہوں میں

اے سگان گرسنۂ ایام

جوں غذا تم کو پچ رہا ہوں میں

اندرون حصار خاموشی

شور کی طرح مچ رہا ہوں میں

وقت کا خون رایگاں ہوں مگر

خشک لمحوں میں رچ رہا ہوں میں

خون میں تر بہ تر رہا مرا نام

ہر زمانے کا سچ رہا ہوں میں

حال یہ ہے کہ اپنی حالت پر

غور کرنے سے بچ رہا ہوں میں

masnad-e-gham pe jach raha hun main

apna sina khurach raha hun main

ai sagin-e-garsanh-e-ayyam

jun ghiza tum ko pich raha hun main

andarun-e-hisar-e-khamoshi

shor ki tarah much raha hun main

waqt ka khun-e-raegan hun magar

khushk lamhon mein rach raha hun main

khun mein tar ba tar raha mira nam

har zamane ka sach raha hun main

hal ye hai ke apni halat par

ghaur karne se bach raha hun main