ہم رہے پر نہیں رہے آباد

ہم رہے پر نہیں رہے آباد

یاد کے گھر نہیں رہے آباد

کتنی آنکھیں ہوئیں ہلاک نظر

کتنے منظر نہیں رہے آباد

ہم کہ اے دل سخن تھے سر تا پا

ہم لبوں پر نہیں رہے آباد

شہر دل میں عجب محلے تھے

ان میں اکثر نہیں رہے آباد

جانے کیا واقعہ ہوا کیوں لوگ

اپنے اندر نہیں رہے آباد

ham rahe par nahin rahe abad

yad ke ghar nahin rahe abad

kitni ankhen huin halak-e-nazar

kitne manzar nahin rahe abad

ham ke ai dil sukhan the sar ta pa

ham labon par nahin rahe abad

shahr-e-dil mein ajab mohalle the

un mein aksar nahin rahe abad

jane kya waqia hua kyun log

apne andar nahin rahe abad