مجھ کو تو گر کے مرنا ہے

مجھ کو تو گر کے مرنا ہے

باقی کو کیا کرنا ہے

شہر ہے چہروں کی تمثیل

سب کا رنگ اترنا ہے

وقت ہے وہ ناٹک جس میں

سب کو ڈرا کر ڈرنا ہے

میرے نقش ثانی کو

مجھ میں ہی سے ابھرنا ہے

کیسی تلافی کیا تدبیر

کرنا ہے اور بھرنا ہے

جو نہیں گزرا ہے اب تک

وہ لمحہ تو گزرنا ہے

اپنے گماں کا رنگ تھا میں

اب یہ رنگ بکھرنا ہے

ہم دو پائے ہیں سو ہمیں

میز پہ جا کر چرنا ہے

چاہے ہم کچھ بھی کر لیں

ہم ایسوں کو سدھرنا ہے

ہم تم ہیں اک لمحہ کے

پھر بھی وعدہ کرنا ہے

mujh ko to gir ke marna hai

baqi ko kya karna hai

shahr hai chehron ki tamsil

sab ka rang utarna hai

waqt hai wo natak jis mein

sab ko dara kar darna hai

mere naqsh-e-sani ko

mujh mein hi se ubharna hai

kaisi talafi kya tadbir

karna hai aur bharna hai

jo nahin guzra hai ab tak

wo lamha to guzarna hai

apne guman ka rang tha main

ab ye rang bikharna hai

ham do pae hain so hamen

mez pe ja kar charna hai

chahe ham kuchh bhi kar len

ham aison ko sudharna hai

ham tum hain ik lamha ke

phir bhi waada karna hai