تجھ میں پڑا ہوا ہوں حرکت نہیں ہے مجھ میں

تجھ میں پڑا ہوا ہوں حرکت نہیں ہے مجھ میں

حالت نہ پوچھیو تو حالت نہیں ہے مجھ میں

اب تو نظر میں آ جا بانہوں کے گھر میں آ جا

اے جان تیری کوئی صورت نہیں ہے مجھ میں

اے رنگ رنگ میں آ آغوش تنگ میں آ

باتیں ہی رنگ کی ہیں رنگت نہیں ہے مجھ میں

اپنے میں ہی کسی کی ہو روبروئی مجھ کو

ہوں خود سے روبرو ہوں ہمت نہیں ہے مجھ میں

اب تو سمٹ کے آ جا اور روح میں سما جا

ویسے کسی کی پیارے وسعت نہیں ہے مجھ میں

شیشے کے اس طرف سے میں سب کو تک رہا ہوں

مرنے کی بھی کسی کو فرصت نہیں ہے مجھ میں

تم مجھ کو اپنے رم میں لے جاؤ ساتھ اپنے

اپنے سے اے غزالو وحشت نہیں ہے مجھ میں

tujh mein para hua hun harkat nahin hai mujh mein

halat na puchhiyo to halat nahin hai mujh mein

ab to nazar mein a ja banhon ke ghar mein a ja

ai jan teri koi surat nahin hai mujh mein

ai rang rang mein a aghosh tang mein a

baten hi rang ki hain rangat nahin hai mujh mein

apne mein hi kisi ki ho rubarui mujh ko

hun khud se rubaru hun himmat nahin hai mujh mein

ab to simat ke a ja aur ruh mein sama ja

waise kisi ki pyare wusat nahin hai mujh mein

shishe ke is taraf se main sab ko tak raha hun

marne ki bhi kisi ko fursat nahin hai mujh mein

tum mujh ko apne ram mein le jao sath apne

apne se ai ghazalo wahshat nahin hai mujh mein