باہر گزار دی کبھی اندر بھی آئیں گے

باہر گزار دی کبھی اندر بھی آئیں گے

ہم سے یہ پوچھنا کبھی ہم گھر بھی آئیں گے

خود آہنی نہیں ہو تو پوشش ہو آہنی

یوں شیشہ ہی رہو گے تو پتھر بھی آئیں گے

یہ دشت بے طرف ہے گمانوں کا موج خیز

اس میں سراب کیا کہ سمندر بھی آئیں گے

آشفتگی کی فصل کا آغاز ہے ابھی

آشفتگاں پلٹ کے ابھی گھر بھی آئیں گے

دیکھیں تو چل کے یار طلسمات سمت دل

مرنا بھی پڑ گیا تو چلو مر بھی آئیں گے

یہ شخص آج کچھ نہیں پر کل یہ دیکھیو

اس کی طرف قدم ہی نہیں سر بھی آئیں گے

bahar guzar di kabhi andar bhi aenge

ham se ye puchhna kabhi ham ghar bhi aenge

khud ahani nahin ho to poshish ho ahani

yun shisha hi rahoge to patthar bhi aenge

ye dasht-e-be taraf hai gumanon ka mauj khez

is mein sarab kya ke samundar bhi aenge

ashuftagi ki fasl ka aghaz hai abhi

ashuftagan palat ke abhi ghar bhi aenge

dekhen to chal ke yar tilismat samt dil

marna bhi par gaya to chalo mar bhi aenge

ye shakhs aj kuchh nahin par kal ye dekhiyo

us ki taraf qadam hi nahin sar bhi aenge