شوق کا رنگ بجھ گیا یاد کے زخم بھر گئے

شوق کا رنگ بجھ گیا یاد کے زخم بھر گئے

کیا مری فصل ہو چکی کیا مرے دن گزر گئے

رہ گزر خیال میں دوش بدوش تھے جو لوگ

وقت کی گرد باد میں جانے کہاں بکھر گئے

شام ہے کتنی بے تپاک شہر ہے کتنا سہم ناک

ہم نفسو کہاں ہو تم جانے یہ سب کدھر گئے

پاس حیات کا خیال ہم کو بہت برا لگا

پس بہ ہجوم معرکہ جان کے بے سپر گئے

میں تو صفوں کے درمیاں کب سے پڑا ہوں نیم جاں

میرے تمام جاں نثار میرے لیے تو مر گئے

shauq ka rang bujh gaya yad ke zakhm bhar gae

kya miri fasl ho chuki kya mire din guzar gae

rah guzar khayal mein dosh badosh the jo log

waqt ki gard bad mein jane kahan bikhar gae

sham hai kitni be tapak shahr hai kitna sahm nak

ham nafaso kahan ho tum jane ye sab kidhar gae

pas hayat ka khayal ham ko bahut bura laga

pas ba hujum-e-marka jan ke be sipar gae

main to safon ke darmiyan kab se para hun nim jan

mere tamam jan nisar mere liye to mar gae