یادوں کا حساب رکھ رہا ہوں

یادوں کا حساب رکھ رہا ہوں

سینے میں عذاب رکھ رہا ہوں

تم کچھ کہے جاؤ کیا کہوں میں

بس دل میں جواب رکھ رہا ہوں

دامن میں کیے ہیں جمع گرداب

جیبوں میں حباب رکھ رہا ہوں

آئے گا وہ نخوتی سو میں بھی

کمرے کو خراب رکھ رہا ہوں

تم پر میں صحیفہ ہائے کہنہ

اک تازہ کتاب رکھ رہا ہوں

yadon ka hisab rakh raha hun

sine mein azab rakh raha hun

tum kuchh kahe jao kya kahon main

bas dil mein jawab rakh raha hun

daman mein kiye hain jama girdab

jebon mein habab rakh raha hun

aega wo nakhwati so main bhi

kamre ko kharab rakh raha hun

tum par main sahifa ha-e-kohna

ik taza kitab rakh raha hun