ہمارے زخم تمنا پرانے ہو گئے ہیں

ہمارے زخم تمنا پرانے ہو گئے ہیں

کہ اس گلی میں گئے اب زمانے ہو گئے ہیں

تم اپنے چاہنے والوں کی بات مت سنیو

تمہارے چاہنے والے دوانے ہو گئے ہیں

وہ زلف دھوپ میں فرقت کی آئی ہے جب یاد

تو بادل آئے ہیں اور شامیانے ہو گئے ہیں

جو اپنے طور سے ہم نے کبھی گزارے تھے

وہ صبح و شام تو جیسے فسانے ہو گئے ہیں

عجب مہک تھی مرے گل ترے شبستاں کی

سو بلبلوں کے وہاں آشیانے ہو گئے ہیں

ہمارے بعد جو آئیں انہیں مبارک ہو

جہاں تھے کنج وہاں کارخانے ہو گئے ہیں

hamare zakhm-e-tamanna purane ho gae hain

ke us gali mein gae ab zamane ho gae hain

tum apne chahne walon ki bat mat suniyo

tumhare chahne wale diwane ho gae hain

wo zulf dhup mein furqat ki ai hai jab yad

tu badal ae hain aur shamyane ho gae hain

jo apne taur se ham ne kabhi guzare the

wo subh-o-sham to jaise fasane ho gae hain

ajab mahak thi mire gul tire shabistan ki

so bulbulon ke wahan ashiyane ho gae hain

hamare baad jo aen unhen mubarak ho

jahan the kunj wahan karkhane ho gae hain