آج بھی تشنگی کی قسمت میں

آج بھی تشنگی کی قسمت میں

سم قاتل ہے سلسبیل نہیں

سب خدا کے وکیل ہیں لیکن

آدمی کا کوئی وکیل نہیں

ہے کشادہ ازل سے روئے زمیں

حرم و دیر بے فصیل نہیں

زندگی اپنے روگ سے ہے تباہ

اور درماں کی کچھ سبیل نہیں

تم بہت جاذب و جمیل سہی

زندگی جاذب و جمیل نہیں

نہ کرو بحث ہار جاؤ گی

حسن اتنی بڑی دلیل نہیں

aj bhi tishnagi ki qismat mein

sam-e-qatil hai salsabil nahin

sab khuda ke wakil hain lekin

admi ka koi wakil nahin

hai kushada azal se ru-e-zamin

haram-o-dair be fasil nahin

zindagi apne rog se hai tabah

aur darman ki kuchh sabil nahin

tum bahut jazib-o-jamil sahi

zindagi jazib-o-jamil nahin

na karo bahs har jaogi

husn itni bari dalil nahin