اے کوئے یار تیرے زمانے گزر گئے

اے کوئے یار تیرے زمانے گزر گئے

جو اپنے گھر سے آئے تھے وہ اپنے گھر گئے

اب کون زخم و زہر سے رکھے گا سلسلہ

جینے کی اب ہوس ہے ہمیں ہم تو مر گئے

اب کیا کہوں کہ سارا محلہ ہے شرمسار

میں ہوں عذاب میں کہ مرے زخم بھر گئے

ہم نے بھی زندگی کو تماشا بنا دیا

اس سے گزر گئے کبھی خود سے گزر گئے

تھا رن بھی زندگی کا عجب طرفہ ماجرا

یعنی اٹھے تو پاؤں مگر جونؔ سر گئے

ai ku-e-yar tere zamane guzar gae

jo apne ghar se ae the wo apne ghar gae

ab kaun zakhm-o-zahr se rakhega silsila

jine ki ab hawas hai hamen ham to mar gae

ab kya kahun ke sara mohalla hai sharmsar

main hun azab mein ke mire zakhm bhar gae

ham ne bhi zindagi ko tamasha bana diya

us se guzar gae kabhi khud se guzar gae

tha ran bhi zindagi ka ajab turfa majra

yaani uthe to paon magar jon sar gae