کسی سے عہد و پیماں کر نہ رہیو

کسی سے عہد و پیماں کر نہ رہیو

تو اس بستی میں رہیو پر نہ رہیو

سفر کرنا ہے آخر دو پلک بیچ

سفر لمبا ہے بے بستر نہ رہیو

ہر اک حالت کے بیری ہیں یہ لمحے

کسی غم کے بھروسے پر نہ رہیو

سہولت سے گزر جاؤ مری جاں

کہیں جینے کی خاطر مر نہ رہیو

ہمارا عمر بھر کا ساتھ ٹھیرا

سو میرے ساتھ تو دن بھر نہ رہیو

بہت دشوار ہو جائے گا جینا

یہاں تو ذات کے اندر نہ رہیو

سویرے ہی سے گھر آجائیو آج

ہے روز واقعہ باہر نہ رہیو

کہیں چھپ جاؤ تہ خانوں میں جا کر

شب فتنہ ہے اپنے گھر نہ رہیو

نظر پر بار ہو جاتے ہیں منظر

جہاں رہیو وہاں اکثر نہ رہیو

kisi se ahd-o-paiman kar na rahiyo

to is basti mein rahiyo par na rahiyo

safar karna hai akhir do palak bich

safar lamba hai be bistar na rahiyo

har ik halat ke beri hain ye lamhe

kisi gham ke bharose par na rahiyo

suhulat se guzar jao miri jan

kahin jine ki khatir mar na rahiyo

hamara umr bhar ka sath thaira

so mere sath to din bhar na rahiyo

bahut dushwar ho jaega jina

yahan to zat ke andar na rahiyo

sawere hi se ghar ajaiw aj

hai roz-e-waqia bahar na rahiyo

kahin chhup jao tah khanon mein ja kar

shab-e-fitna hai apne ghar na rahiyo

nazar par bar ho jate hain manzar

jahan rahiyo wahan aksar na rahiyo