یک بیک شورش فغاں کی طرح

یک بیک شورش فغاں کی طرح

فصل گل آئی امتحاں کی طرح

صحن گلشن میں بہر مشتاقاں

ہر روش کھنچ گئی کماں کی طرح

پھر لہو سے ہر ایک کاسۂ داغ

پر ہوا جام ارغواں کی طرح

یاد آیا جنون گم گشتہ

بے طلب قرض دوستاں کی طرح

جانے کس پر ہو مہرباں قاتل

بے سبب مرگ ناگہاں کی طرح

ہر صدا پر لگے ہیں کان یہاں

دل سنبھالے رہو زباں کی طرح

yak bayak shorish-e-fughan ki tarah

fasl-e-gul ai imtihan ki tarah

sehn-e-gulshan mein bahr mushtaqan

har rawish khinch gai kaman ki tarah

phir lahu se har ek kasa-e-dagh

par hua jam arghawan ki tarah

yad aya junun-e-gum gashta

be talab qarz dostan ki tarah

jane kis par ho mehrban qatil

be sabab marg-e-nagahan ki tarah

har sada par lage hain kan yahan

dil sambhale raho zaban ki tarah