جیسے ہم بزم ہیں پھر یار طرح دار سے ہم

جیسے ہم بزم ہیں پھر یار طرح دار سے ہم

رات ملتے رہے اپنے در و دیوار سے ہم

سر خوشی میں یونہی دل شاد و غزل خواں گزرے

کوئے قاتل سے کبھی کوچۂ دل دار سے ہم

کبھی منزل کبھی رستے نے ہمیں ساتھ دیا

ہر قدم الجھے رہے قافلہ سالار سے ہم

ہم سے بے بہرہ ہوئی اب جرس گل کی صدا

ورنہ واقف تھے ہر اک رنگ کی جھنکار سے ہم

فیضؔ جب چاہا جو کچھ چاہا سدا مانگ لیا

ہاتھ پھیلا کے دل بے زر و دینار سے ہم

jaise ham bazm hain phir yar tarah dar se ham

rat milte rahe apne dar-o-diwar se ham

sar khushi mein yunhi dil shad-o-ghazal khwan guzre

ku-e-qatil se kabhi kucha-e-dil dar se ham

kabhi manzil kabhi raste ne hamen sath diya

har qadam uljhe rahe qafila salar se ham

ham se be bahra hui ab jaras-e-gul ki sada

warna waqif the har ik rang ki jhankar se ham

faiz jab chaha jo kuchh chaha sada mang liya

hath phaila ke dil-e-be zar-o-dinar se ham