غم بہ دل شکر بہ لب مست و غزل خواں چلیے

غم بہ دل شکر بہ لب مست و غزل خواں چلیے

جب تلک ساتھ ترے عمر گریزاں چلیے

رحمت حق سے جو اس سمت کبھی راہ ملے

سوئے جنت بھی براہ رہ جاناں چلیے

نذر مانگے جو گلستاں سے خداوند جہاں

ساغر مے میں لیے خون بہاراں چلیے

جب ستانے لگے بے رنگئ دیوار جہاں

نقش کرنے کوئی تصویر حسیناں چلیے

کچھ بھی ہو آئینۂ دل کو مصفا رکھیے

جو بھی گزرے مثل خسرو دوراں چلیے

امتحاں جب بھی ہو منظور جگر داروں کا

محفل یار میں ہمراہ رقیباں چلیے

gham ba dil shukr ba lab mast-o-ghazal khwan chaliye

jab talak sath tire umr-e-gurezan chaliye

rahmat-e-haq se jo us samt kabhi rah mile

su-e-jannat bhi barah-e-rah janan chaliye

nazr mange jo gulistan se khudawand-e-jahan

saghar-e-mai mein liye khun-e-baharan chaliye

jab satane lage be rangi-e-diwar jahan

naqsh karne koi taswir hasinan chaliye

kuchh bhi ho aina-e-dil ko musaffa rakhiye

jo bhi guzre misl-e-khusrau dauran chaliye

imtihan jab bhi ho manzur jigar daron ka

mahfil-e-yar mein hamrah raqiban chaliye