عجز اہل ستم کی بات کرو

عجز اہل ستم کی بات کرو

عشق کے دم قدم کی بات کرو

بزم اہل طرب کو شرماؤ

بزم اصحاب غم کی بات کرو

بزم ثروت کے خوش نشینوں سے

عظمت چشم نم کی بات کرو

ہے وہی بات یوں بھی اور یوں بھی

تم ستم یا کرم کی بات کرو

خیر ہیں اہل دیر جیسے ہیں

آپ اہل حرم کی بات کرو

ہجر کی شب تو کٹ ہی جائے گی

روز وصل صنم کی بات کرو

جان جائیں گے جاننے والے

فیضؔ فرہاد و جم کی بات کرو

ijz ahl-e-sitam ki bat karo

ishq ke dam qadam ki bat karo

bazm-e-ahl-e-tarab ko sharmao

bazm-e-ashab gham ki bat karo

bazm-e-sarwat ke khush nashinon se

azmat chashm-e-nam ki bat karo

hai wahi bat yun bhi aur yun bhi

tum sitam ya karam ki bat karo

khair hain ahl-e-dair jaise hain

ap ahl-e-haram ki bat karo

hijr ki shab to kat hi jaegi

roz-e-wasl sanam ki bat karo

jan jaenge janne wale

faiz-e-farhad-o-jam ki bat karo