وہ عہد غم کی کاہش ہائے بے حاصل کو کیا سمجھے

وہ عہد غم کی کاہش ہائے بے حاصل کو کیا سمجھے

جو ان کی مختصر روداد بھی صبر آزما سمجھے

یہاں وابستگی واں برہمی کیا جانیے کیوں ہے

نہ ہم اپنی نظر سمجھے نہ ہم ان کی ادا سمجھے

فریب آرزو کی سہل انگاری نہیں جاتی

ہم اپنے دل کی دھڑکن کو تری آواز پا سمجھے

تمہاری ہر نظر سے منسلک ہے رشتۂ ہستی

مگر یہ دور کی باتیں کوئی نادان کیا سمجھے

نہ پوچھو عہد الفت کی بس اک خواب پریشاں تھا

نہ دل کو راہ پر لائے نہ دل کا مدعا سمجھے

wo ahd-e-gham ki kahish ha-e-be hasil ko kya samjhe

jo un ki mukhtasar rudad bhi sabr azma samjhe

yahan wabastagi wan barhami kya janiye kyun hai

na ham apni nazar samjhe na ham un ki ada samjhe

fareb-e-arzu ki sahl angari nahin jati

ham apne dil ki dharkan ko tiri awaz-e-pa samjhe

tumhari har nazar se munsalik hai rishta-e-hasti

magar ye daur ki baten koi nadan kya samjhe

na puchho ahd-e-ulfat ki bas ik khwab-e-pareshan tha

na dil ko rah par lae na dil ka muddaa samjhe