کچھ دن سے انتظار سوال دگر میں ہے

کچھ دن سے انتظار سوال دگر میں ہے

وہ مضمحل حیا جو کسی کی نظر میں ہے

سیکھی یہیں مرے دل کافر نے بندگی

رب کریم ہے تو تری رہ گزر میں ہے

ماضی میں جو مزا مری شام و سحر میں تھا

اب وہ فقط تصور شام و سحر میں ہے

کیا جانے کس کو کس سے ہے اب داد کی طلب

وہ غم جو میرے دل میں ہے تیری نظر میں ہے

kuchh din se intizar sawal-e-digar mein hai

wo muzmahil haya jo kisi ki nazar mein hai

sikhi yahin mire dil-e-kafir ne bandagi

rab-e-karim hai to tiri rah guzar mein hai

mazi mein jo maza miri sham-o-sahar mein tha

ab wo faqat tasawwur-e-sham-o-sahar mein hai

kya jane kis ko kis se hai ab dad ki talab

wo gham jo mere dil mein hai teri nazar mein hai