کیے آرزو سے پیماں جو مآل تک نہ پہنچے

کیے آرزو سے پیماں جو مآل تک نہ پہنچے

شب و روز آشنائی مہ و سال تک نہ پہنچے

وہ نظر بہم نہ پہنچی کہ محیط حسن کرتے

تری دید کے وسیلے خد و خال تک نہ پہنچے

وہی چشمۂ بقا تھا جسے سب سراب سمجھے

وہی خواب معتبر تھے جو خیال تک نہ پہنچے

ترا لطف وجہ تسکیں نہ قرار شرح غم سے

کہ ہیں دل میں وہ گلے بھی جو ملال تک نہ پہنچے

کوئی یار جاں سے گزرا کوئی ہوش سے نہ گزرا

یہ ندیم یک دو ساغر مرے حال تک نہ پہنچے

چلو فیضؔ دل جلائیں کریں پھر سے عرض جاناں

وہ سخن جو لب تک آئے پہ سوال تک نہ پہنچے

kiye arzu se paiman jo maal tak na pahunche

shab-o-roz ashnai mah-o-sal tak na pahunche

wo nazar baham na pahunchi ke muhit-e-husn karte

tiri did ke wasile khad-o-khal tak na pahunche

wahi chashma-e-baqa tha jise sab sarab samjhe

wahi khwab motabar the jo khayal tak na pahunche

tira lutf wajh-e-taskin na qarar sharh-e-gham se

ke hain dil mein wo gale bhi jo malal tak na pahunche

koi yar jan se guzra koi hosh se na guzra

ye nadim yak do saghar mire hal tak na pahunche

chalo faiz-e-dil jalaen karen phir se arz-e-janan

wo sukhan jo lab tak ae pe sawal tak na pahunche