سہل یوں راہ زندگی کی ہے

سہل یوں راہ زندگی کی ہے

ہر قدم ہم نے عاشقی کی ہے

ہم نے دل میں سجا لیے گلشن

جب بہاروں نے بے رخی کی ہے

زہر سے دھو لیے ہیں ہونٹ اپنے

لطف ساقی نے جب کمی کی ہے

تیرے کوچے میں بادشاہی کی

جب سے نکلے گداگری کی ہے

بس وہی سرخ رو ہوا جس نے

بحر خوں میں شناوری کی ہے

جو گزرتے تھے داغؔ پر صدمے

اب وہی کیفیت سبھی کی ہے

sahl yun rah-e-zindagi ki hai

har qadam ham ne ashiqi ki hai

ham ne dil mein saja liye gulshan

jab baharon ne be rukhi ki hai

zahr se dho liye hain hont apne

lutf-e-saqi ne jab kami ki hai

tere kuche mein badshahi ki

jab se nikle gadagari ki hai

bas wahi surkh ru hua jis ne

bahr-e-khun mein shinawari ki hai

jo guzarte the dagh par sadme

ab wahi kaifiyat sabhi ki hai