کس حرف پہ تو نے گوشۂ لب اے جان جہاں غماز کیا

کس حرف پہ تو نے گوشۂ لب اے جان جہاں غماز کیا

اعلان جنوں دل والوں نے اب کے بہ ہزار انداز کیا

سو پیکاں تھے پیوست گلو جب چھیڑی شوق کی لے ہم نے

سو تیر ترازو تھے دل میں جب ہم نے رقص آغاز کیا

بے حرص و ہوا بے خوف و خطر اس ہاتھ پہ سر اس کف پہ جگر

یوں کوئے صنم میں وقت سفر نظارۂ بام ناز کیا

جس خاک میں مل کر خاک ہوئے وہ سرمۂ چشم خلق بنی

جس خار پہ ہم نے خوں چھڑکا ہم رنگ گل طناز کیا

لو وصل کی ساعت آ پہنچی پھر حکم حضوری پر ہم نے

آنکھوں کے دریچے بند کیے اور سینے کا در باز کیا

kis harf pe tu ne gosha-e-lab ai jan-e-jahan ghammaz kiya

elan-e-junun dil walon ne ab ke ba hazar andaz kiya

so paikan the paiwast galo jab chheri shauq ki le ham ne

so tir tarazu the dil mein jab ham ne raqs-e-aghaz kiya

be hirs-o-hawa be khauf-o-khatar is hath pe sar is kaf pe jigar

yun ku-e-sanam mein waqt-e-safar nazara-e-bam-e-naz kya

jis khak mein mil kar khak hue wo surma-e-chashm-e-khalq bani

jis khar pe ham ne khun chhirka ham rang gul tannaz kya

lo wasl ki saat a pahunchi phir hukm huzuri par ham ne

ankhon ke dariche band kiye aur sine ka dar baz kiya