ہر سمت پریشاں تری آمد کے قرینے

ہر سمت پریشاں تری آمد کے قرینے

دھوکے دئیے کیا کیا ہمیں باد سحری نے

ہر منزل غربت پہ گماں ہوتا ہے گھر کا

بہلایا ہے ہر گام بہت دربدری نے

تھے بزم میں سب دود سر بزم سے شاداں

بیکار جلایا ہمیں روشن نظری نے

مے خانے میں عاجز ہوئے آزردہ دلی سے

مسجد کا نہ رکھا ہمیں آشفتہ سری نے

یہ جامۂ صد چاک بدل لینے میں کیا تھا

مہلت ہی نہ دی فیضؔ کبھی بخیہ گری نے

har samt pareshan tiri amad ke qarine

dhoke diye kya kya hamen bad-e-sahari ne

har manzil ghurbat pe guman hota hai ghar ka

bahlaya hai har gam bahut darbadari ne

the bazm mein sab dud-e-sar bazm se shadan

bekar jalaya hamen raushan nazari ne

mai khane mein ajiz hue azurda dili se

masjid ka na rakha hamen ashufta siri ne

ye jama-e-sad chak badal lene mein kya tha

mohlat hi na di faiz kabhi bakhiya giri ne