شرح فراق مدح لب مشکبو کریں

شرح فراق مدح لب مشکبو کریں

غربت کدے میں کس سے تری گفتگو کریں

یار آشنا نہیں کوئی ٹکرائیں کس سے جام

کس دل ربا کے نام پہ خالی سبو کریں

سینے پہ ہاتھ ہے نہ نظر کو تلاش بام

دل ساتھ دے تو آج غم آرزو کریں

کب تک سنے گی رات کہاں تک سنائیں ہم

شکوے گلے سب آج ترے روبرو کریں

ہمدم حدیث کوئے ملامت سنائیو

دل کو لہو کریں یا گریباں رفو کریں

آشفتہ سر ہیں محتسبو منہ نہ آئیو

سر بیچ دیں تو فکر دل و جاں عدو کریں

تر دامنی پہ شیخ ہماری نہ جائیو

دامن نچوڑ دیں تو فرشتے وضو کریں

sharh-e-firaq madh lab-e-mushkbu karen

ghurbat kade mein kis se tiri guftugu karen

yar ashna nahin koi takraen kis se jam

kis dil ruba ke nam pe khali subu karen

sine pe hath hai na nazar ko talash-e-bam

dil sath de to aj gham-e-arzu karen

kab tak sunegi rat kahan tak sunaen ham

shikwe gale sab aj tire rubaru karen

hamdam hadis-e-ku-e-malamat sunaiyo

dil ko lahu karen ya gareban rafu karen

ashufta sar hain mohtasibo munh na ayu

sar bech den to fikr-e-dil-o-jan adu karen

tar damani pe shaikh hamari na jaiyo

daman nichor den to farishte wuzu karen