فکر دل دارئ گلزار کروں یا نہ کروں

فکر دل دارئ گلزار کروں یا نہ کروں

ذکر مرغان گرفتار کروں یا نہ کروں

قصۂ سازش اغیار کہوں یا نہ کہوں

شکوۂ یار طرحدار کروں یا نہ کروں

جانے کیا وضع ہے اب رسم وفا کی اے دل

وضع دیرینہ پہ اصرار کروں یا نہ کروں

جانے کس رنگ میں تفسیر کریں اہل ہوس

مدح زلف و لب و رخسار کروں یا نہ کروں

یوں بہار آئی ہے امسال کہ گلشن میں صبا

پوچھتی ہے گزر اس بار کروں یا نہ کروں

گویا اس سوچ میں ہے دل میں لہو بھر کے گلاب

دامن و جیب کو گلنار کروں یا نہ کروں

ہے فقط مرغ غزل خواں کہ جسے فکر نہیں

معتدل گرمئ گفتار کروں یا نہ کروں

fikr-e-dil dari-e-gulzar karun ya na karun

zikr-e-murghan-e-giraftar karun ya na karun

qissa-e-sazish-e-aghyar kahun ya na kahun

shikwa-e-yar tarhdar karun ya na karun

jane kya waza hai ab rasm-e-wafa ki ai dil

waz-e-derina pe israr karun ya na karun

jane kis rang mein tafsir karen ahl-e-hawas

madh zulf-o-lab-o-rukhsar karun ya na karun

yun bahar ai hai imsal ke gulshan mein saba

puchhti hai guzar is bar karun ya na karun

goya is soch mein hai dil mein lahu bhar ke gulab

daman-o-jeb ko gulnar karun ya na karun

hai faqat murgh-e-ghazal khwan ke jise fikr nahin

motadil garmi-e-guftar karun ya na karun