گرانئ شب ہجراں دو چند کیا کرتے

گرانئ شب ہجراں دو چند کیا کرتے

علاج درد ترے دردمند کیا کرتے

وہیں لگی ہے جو نازک مقام تھے دل کے

یہ فرق دست عدو کے گزند کیا کرتے

جگہ جگہ پہ تھے ناصح تو کو بہ کو دلبر

انہیں پسند انہیں ناپسند کیا کرتے

ہمیں نے روک لیا پنجۂ جنوں ورنہ

ہمیں اسیر یہ کوتہ کمند کیا کرتے

جنہیں خبر تھی کہ شرط نواگری کیا ہے

وہ خوش نوا گلۂ قید و بند کیا کرتے

گلوئے عشق کو دار و رسن پہنچ نہ سکے

تو لوٹ آئے ترے سر بلند کیا کرتے

girani-e-shab-e-hijran do chand kya karte

ilaj-e-dard tire dardmand kiya karte

wahin lagi hai jo nazuk maqam the dil ke

ye farq dast-e-adu ke gazand kya karte

jagah jagah pe the naseh to ku ba ku dilbar

unhen pasand unhen napasand kya karte

hamen ne rok liya panja-e-junun warna

hamen asir ye kotah kamand kya karte

jinhen khabar thi ke shart-e-nawagari kya hai

wo khush nawa gila-e-qaid-o-band kya karte

galo-e-ishq ko dar-o-rasan pahunch na sake

tu laut ae tire sar buland kya karte