ہم سادہ ہی ایسے تھے کی یوں ہی پذیرائی

ہم سادہ ہی ایسے تھے کی یوں ہی پذیرائی

جس بار خزاں آئی سمجھے کہ بہار آئی

آشوب نظر سے کی ہم نے چمن آرائی

جو شے بھی نظر آئی گل رنگ نظر آئی

امید تلطف میں رنجیدہ رہے دونوں

تو اور تری محفل میں اور مری تنہائی

یک جان نہ ہو سکیے انجان نہ بن سکیے

یوں ٹوٹ گئی دل میں شمشیر شناسائی

اس تن کی طرف دیکھو جو قتل گہ دل ہے

کیا رکھا ہے مقتل میں اے چشم تماشائی

ham sada hi aise the ki yun hi pazirai

jis bar khizan ai samjhe ke bahar ai

ashob-e-nazar se ki ham ne chaman arai

jo shai bhi nazar ai gul rang nazar ai

ummid talattuf mein ranjida rahe donon

tu aur tiri mahfil mein aur miri tanhai

yak jan na ho sakiye anjan na ban sakiye

yun tut gai dil mein shamshir-e-shanasai

is tan ki taraf dekho jo qatl gah-e-dil hai

kya rakha hai maqtal mein ai chashm-e-tamashai