Arooz is now on the App Store, for iPhone and iPad. Download →

All poetry

حسن کے انکار سے بھی کچھ تو پردہ رہ گیا

Zafar Iqbal (b. 1932)

حسن کے انکار سے بھی کچھ تو پردہ رہ گیا

میں بھی کافی مطمئن ہوں وہ بھی اچھا رہ گیا

دل میں اس کے موم بتی سی جلائی بھی مگر

روشنی کے باوجود اتنا اندھیرا رہ گیا

خوب صورت ہے تو اتنا ہی کمینہ بھی ہے وہ

ایک بھی دل نے نہ مانی میں تو کہتا رہ گیا

دیکھنے آتا بھی ہے چھوڑے ہوئے اس شہر کو

یعنی اس کے باد کیا اجڑا ہے کتنا رہ گیا

موڑ کر دریا کو دشمن لے گئے اپنی طرف

اور ادھر روئے زمیں پر داغ دریا رہ گیا

اور گھر دیکھو کوئی اس کے تو چہرے پر ظفرؔ

رنگ دل باقی نہیں اب رنگ دنیا رہ گیا