اسی سے آئے ہیں آشوب آسماں والے

اسی سے آئے ہیں آشوب آسماں والے

جسے غبار سمجھتے تھے کارواں والے

میں اپنی دھن میں یہاں آندھیاں اٹھاتا ہوں

مگر کہاں وہ مزے خاک آشیاں والے

مجھے دیا نہ کبھی میرے دشمنوں کا پتا

مجھے ہوا سے لڑاتے رہے جہاں والے

مرے سراب تمنا پہ رشک تھا جن کو

بنے ہیں آج وہی بحر بیکراں والے

میں نالہ ہوں مجھے اپنے لبوں سے دور نہ رکھ

مجھی سے زندہ ہے تو میرے جسم و جاں والے

یہ مشت خاک ظفرؔ میرا پیرہن ہی تو ہے

مجھے زمیں سے ڈرائیں نہ کہکشاں والے

usi se ae hain ashob-e-asman wale

jise ghubar samajhte the karwan wale

main apni dhun mein yahan andhiyan uthata hun

magar kahan wo maze khak ashiyan wale

mujhe diya na kabhi mere dushmanon ka pata

mujhe hawa se larate rahe jahan wale

mire sarab-e-tamanna pe rashk tha jin ko

bane hain aj wahi bahr-e-bekaran wale

main nala hun mujhe apne labon se dur na rakh

mujhi se zinda hai to mere jism-o-jan wale

ye musht-e-khak zafar mera pairahan hi to hai

mujhe zamin se daraen na kahkashan wale