ترے لبوں پہ اگر سرخی وفا ہی نہیں

ترے لبوں پہ اگر سرخی وفا ہی نہیں

تو یہ بناؤ یہ سج دھج تجھے روا ہی نہیں

میں تیری روح کی پتی کی طرح کانپ گیا

ہوائے صبح سبک گام کو پتا ہی نہیں

کسی امید کے پھولوں بھرے شبستاں سے

جو آنکھ مل کے اٹھا ہوں تو وہ ہوا ہی نہیں

فراز شام سے گرتا رہا فسانۂ شب

گدائے گوہر گفتار نے سنا ہی نہیں

چمک رہا ہے مری زندگی کا ہر لمحہ

میں کیا کروں کہ مری آنکھ میں ضیا ہی نہیں

tire labon pe agar surkhi-e-wafa hi nahin

to ye banao ye saj dhaj tujhe rawa hi nahin

main teri ruh ki patti ki tarah kanp gaya

hawa-e-subh subuk gam ko pata hi nahin

kisi umid ke phulon bhare shabistan se

jo ankh mal ke utha hun to wo hua hi nahin

faraz-e-sham se girta raha fasana-e-shab

gadae gauhar guftar ne suna hi nahin

chamak raha hai miri zindagi ka har lamha

main kya karun ke miri ankh mein ziya hi nahin